.::.Jesus Lovers Forum .::. منتدى محب المسيح .::.


 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  المجموعاتالمجموعات  دخولدخول  الدخول لشات محبى المسيحالدخول لشات محبى المسيح  قوانين المنتدىقوانين المنتدى  شروط التوقيعشروط التوقيع  

شاطر | 
 

 انا مدمن عادة سرية وعايز الحل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
margo
عضو محب بجد
عضو محب بجد
avatar

الجنس : انثى تاريخ الميلاد : 17/11/1988
البد :
الشفيع :
الموود :

مُساهمةموضوع: انا مدمن عادة سرية وعايز الحل   السبت ديسمبر 06, 2008 12:41 pm

انا رجعت ورجعت بحاجت يارب تعجبكم كلكم انا جبت مجموعه اسئله كتير بتحير كل واحد فينه وهناخد سؤال سؤال ونجاوب عليه الاسلئه ولاجوابه دى مش من عندى للمانه منقوله من موقع هنعشه صح ودى عباره عن مجموعه اسلئه وبتجاوب عليه دكتوره ودلواتى يلا بين نشوف السؤال الاول بس يريت تسمحونى على طرحه لانه سؤال حساس جدا بس مينفعش نغلفله لانه بيخص شريحه مش قليله من اشباب واشبات واكيد كل شخص فى من الاشخاص دى عايز يعرف الرد على السؤال ده ويمكن مش قادر يسئله محرج واخايف واحنه انهرده هنطرحه ونطرح الاجابه عليه ويلا نشوف السؤال والاجايه



انا أمارس العادة السرية منذ حوالى أكثر من 4 سنوات والمشكلة أني الآن أريد أن أتوقف عن هذه العادة ولكني بقالي تقريبا أكثر من سنة كاملة أحاول ولكن بلا فائدة لدرجة أني بدأت أفقد الأمل أريد خطوات عملية للتوقف عن هذه العادة مع العلم أني أطلب المعونة الإلهية ولكن للأسف في النهاية أسقط thnx B.V

أشكرك
ياعزيزى علي صراحتك وعلي تصميمك إنك تحيا مع ربنا.... بص انت قلت إنك
بقالك 4 سنين يعني بالحسبة العادية الإدمان اللي بقاله الوقت دا كله أكيد
مش هيمشي بسرعة وخصوصاً إنه حلو... غبليس عمرة ما بيورينا إن الخطية وحشة
وبالتالي التخلص منها مش سهل.

الحاجة
التانية حاولت ازاي؟؟؟ مش عارفة إذا شفت الكلام دا قبل كدا ولا لأ بس
هقوله ليك ولو كنت طبقت جزء منه اعمله كله المرة دي ومهم أوي أوي أوي تعرف
حاجة، إنك هتقع وتقوم كل شوية وكل مرة المدة هتبعد عن الأولانية لحد ما
تنتصر خالص.

في وسط الوقت دا اتأكد ان الله بيحبك... شايف صراعك ومحاولاتك... وغفرلك...

الحاجات دي أهيه وكمان هكلمك الأول على أيه العادة السرية وليه منعملهاش عشان دا هيساعدك في المقاومة...

الحاجة
اللي مش حلوه في ممارسة العادة السرية هي إنك بتتعود تسدد احتياجاتك
الجنسية بطريقة أنانية وحتى بعد ما هتتجوز الموضوع ده مش بينتهي لأنك
اتعودت تبقى أناني فمش بتسدد احتياجات الآخر.



مهم
نحافظ على جسمنا لحد ما ييجي الوقت المناسب اللي هنستخدمه فيه وهو الجواز
عشان نتمتع بالعلاقة مع اللي هنتجوزه واللي مش هتكون علاقة صحيحة وممتعة
إذا أصريت على الفعل الجنسي قبل الزواج

مهم كمان نتكلم عن الأحاسيس اللي بتحسها أكيد وانت بتعمل كدا :



1 -
انت بتقطع نفسك من جوا ودا لأنك عارف أنك بتعمل شيء غلط ويمكن مش عايز من
جواك توقفه أوي لأنه ممتع فالشعور بالذنب مستمراً معك لحد ما توقف.

2 -
الفعل الجنسي بتتسلط على كل ذهنك وتفكيرك وتمتص كل طاقة جوتك ومش بتفكر
إلا في الجنس فبيهبط مستوى أدائك لأي عمل أو إنجاز في الدراسة أو الشغل.

3 - عايش تحت تأثير حبك الشديد لنفسك والتركيز على الأنا ومحاولة إرضائها بأسلوب الاكتفاء الذاتي بدون الاحتياج لطرف تاني .

فاللذة تنبع منى وتعود ليا اللي بيضخم الأنا عندي ولأني مهما حاولت مش هنجح في إشباعها إشباع حقيقي الإشباع بيكون وقتي ومش حقيقي . فبتدخل في حلقة مفرغة من محاولة إشباع النفس ذاتياً ومش بتنجح فتزداد الأنانية وتكرر المحاولات وبردوا تفشل لأنها ضد طبيعة الذات اللي بتحس بالإشباع من خلال حب الأخر ومش حب الذات.

4 -
هتوصل لتقدير متدني لنفسك وتوصل لأن مش تكره الأفعال بس لكن تكره نفسك
كمان لأن هناك فرق كبير بين اللي بتعمله واللي عايز تكون عليه إنت عايز
تبطل لكن حاسس إنك مأسور جواها ودي مشكلة شباب وشابات كتيير أوي على فكره،
وهتحس إنك مش قادر تحرر نفسك.



طيب
نيجي للخطوات العملية اللي تحررك بس مهم أوي مهما كانت طول السنين اللي
مارست فيها إنك تكون متأكد إنك تقدر تبطل لأنك فعلاً هتقدر زي ما قلتلك
فوق.

1 - حاول
تملأ وقت فراغك ببدائل تانيه زي الرياضة، الجري، صداقات مثمرة، هوايات
وأول ما تشعر بإحساس الإثارة إلبس وانزل من البيت فوراً، إنزل اجري، خد دش
ساقع مثلاً..... الخ

الكتاب المقدس بيقول "أما الشهوات الشبابية فاهرب منها" في الحالة دي الهروب مش ضعف أبداً بالعكس دا قوة.

2 - خلي لك علاقة حميمة مع الله ليه؟ لأنه هو اللي خلق فيك الغريزة الجنسية وهو اللي ممكن يديلك قدرة إنك تتحكم فيها. اطلب منه يساعدك.

3 - صوم انقطاعي لمدة يومين أسبوعياً لأن الصيام بيفرز مادة الإدرنالين اللي بتقلل الرغبة الجنسية.

4 - تتأكد إن اللي بتعمله مش غلط في حق ربنا بس لكن غلط في حق نفسك كمان.

5 - تتأكد إن الله هيسامحك مجرد ما تعترف ليه وتندم وكمان إطلب منه المساعدة إنه يديلك الإرادة القوية عشان تبطل.

6 - تجنب الصور والمشاهد المثيرة جنسياً تماماً.

7 - إشغل نفسك في أنشطة وبرامج مع ناس كتير وأستمتع بالعمل الجماعي.

8 - جدد ذهنك بقراءة كتب وقصص وأجزاء من الكتاب المقدس مع الصلاة.

9 - تجنب المواقف المغرية ولو بالصدفة وبلاش تقعد مع نفسك كتير.

10 - شارك حد في موضوعك دا عشان من ناحية يراجعك ويقويك ومن ناحية تانية لما تقع يساعدك تقوم تاني.

11 -
كمل حتى لو وقعت فيها تاني، إذا فشلت حاول تاني وتالت ورابع. إبليس مش
هيسيبك تبطل بالساهل بس خليك فاهم ألاعيبة ولما تقع قوم وكمل وهتقدر،
بالتدريج هتبطل خالص.

شكراً لثقتك فينا ومنتظرين أي استفسار سواء في الموضوع دا أو في أي مواضيع تانية.

ربنا معاك و افتكر إن انت نتيجة اختياراتك،
الرجوع الى أعلى الصفحة اذهب الى الأسفل
سيدعلي دحدوح
عضو جديد
عضو جديد


الجنس : ذكر تاريخ الميلاد : 18/05/1977
البد :
الشفيع :

مُساهمةموضوع: رد: انا مدمن عادة سرية وعايز الحل   السبت ديسمبر 06, 2008 1:40 pm

ربنا يباركك ويبارك خدمتك
الرجوع الى أعلى الصفحة اذهب الى الأسفل
margo
عضو محب بجد
عضو محب بجد
avatar

الجنس : انثى تاريخ الميلاد : 17/11/1988
البد :
الشفيع :
الموود :

مُساهمةموضوع: رد: انا مدمن عادة سرية وعايز الحل   الأحد ديسمبر 07, 2008 1:47 pm

مرسي مووووووووووووووووووووووووت على مرورك الجميل ده
الرجوع الى أعلى الصفحة اذهب الى الأسفل
منقوشة على كف الهى
بدأ يتفاعل معانا
بدأ يتفاعل معانا
avatar

الجنس : انثى تاريخ الميلاد : 26/10/1988

مُساهمةموضوع: رد: انا مدمن عادة سرية وعايز الحل   الثلاثاء ديسمبر 09, 2008 4:27 pm

بجد مهم جداااااااا الموضوع دا والسؤال دا مخصوص

وفى اكترية البنات والولاد طبعا فى المشكلة دى

ربنا يقويهم ويحميهم ويثبت فى عقلهم ان دا جسد الرب يسوع مش جسدهم

فايخلوا بالهم منة

شكرااااااااا
الرجوع الى أعلى الصفحة اذهب الى الأسفل
sun
مراقب عام
مراقب عام
avatar

الجنس : انثى تاريخ الميلاد : 03/11/1932
البد :
الشفيع :
الموود :

مُساهمةموضوع: رد: انا مدمن عادة سرية وعايز الحل   الجمعة ديسمبر 12, 2008 1:50 pm


عارفه يا مارجو
بأمانة ربنا
بعد ما انتى كلمتينى فى التليفون وقولتى انك نزلتى موضوع فى المنتدى اسمه كدة
انا صممت ادخل واحزفه فوراااااااااااااااا
ولما دخلت كان لازم اشوفه قبل الحزف
وانا بقرأ اسم العنوان كنت هتجنن
ازاى وصلتى للجرائه دى
لكن بعد ما شوفته
حسيت ان فعلا لازم نوجه الشباب والفتيات
وان الموضوع دة اكيد هيسااااااااعد منهم كتير
بجد ميرسىخالص
وفى انتظار باقى الاسئله
ربنا يبركك


_________________
أمــل يــارب أذنــك وأستجيــب لــى




الرجوع الى أعلى الصفحة اذهب الى الأسفل
margo
عضو محب بجد
عضو محب بجد
avatar

الجنس : انثى تاريخ الميلاد : 17/11/1988
البد :
الشفيع :
الموود :

مُساهمةموضوع: رد: انا مدمن عادة سرية وعايز الحل   الجمعة ديسمبر 12, 2008 3:53 pm

مرسي كتيررررررررررررررررررررررررررررررررر لمرركم كلكم وربنا يحافظ على اولاده كلهم

ربنا يبارك حياتكم
الرجوع الى أعلى الصفحة اذهب الى الأسفل
martinnn
عضو جامد
عضو جامد
avatar

الجنس : ذكر تاريخ الميلاد : 11/10/1983
البد :
الشفيع :
الموود :

مُساهمةموضوع: رد: انا مدمن عادة سرية وعايز الحل   الجمعة فبراير 13, 2009 9:54 pm

برافو مارجو علي شجعتك في تناول الموضوع
اكيد الموضوع مهم جدآ
وحيوي جدا
والتجاوب مع الموضوع برضو مهم
لانو بيعالج مشكلة كبيرة
ولو استمرت ممكن توصل لأزمة بعد الجواز
دا غير الازمة الروحية ومسهمة الموضوع دة
ربنا يبارك تعب محبتك
الرجوع الى أعلى الصفحة اذهب الى الأسفل
markman
عضو جديد
عضو جديد


الجنس : ذكر تاريخ الميلاد : 01/11/1991
البد :
الشفيع :

مُساهمةموضوع: رد: انا مدمن عادة سرية وعايز الحل   الأحد مارس 08, 2009 3:04 pm

بجد والله موضوع جميلة جدا وفى غايط الاهميه وانا والله اتعلمت حاجات كتير من الموضوع ده
وشكرااااا MARKMAN_2008
الرجوع الى أعلى الصفحة اذهب الى الأسفل
مكاريوس الكبير
عضو يخدم بكل امانة
عضو يخدم بكل امانة


الجنس : ذكر تاريخ الميلاد : 06/06/1984
البد :
الشفيع :
الموود :

مُساهمةموضوع: رد: انا مدمن عادة سرية وعايز الحل   الثلاثاء يونيو 23, 2009 1:20 am

بجد موضوع تحفة وحلول عمليه وربنا يعوضك بجد وثقى أنك هتاخدى أجر كل واحد يقلع عن هذه العادة السيئة بعد ما يقرا موضوعك ...
الرجوع الى أعلى الصفحة اذهب الى الأسفل
 
انا مدمن عادة سرية وعايز الحل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.::.Jesus Lovers Forum .::. منتدى محب المسيح .::. :: القسم العام :: سؤال و جواب-
انتقل الى: