.::.Jesus Lovers Forum .::. منتدى محب المسيح .::.


 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  المجموعاتالمجموعات  دخولدخول  الدخول لشات محبى المسيحالدخول لشات محبى المسيح  قوانين المنتدىقوانين المنتدى  شروط التوقيعشروط التوقيع  

شاطر | 
 

 تحريف حياة السيد المسيح....والكنيسة توافق.......ز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
martinnn
عضو جامد
عضو جامد
avatar

الجنس : ذكر تاريخ الميلاد : 11/10/1983
البد :
الشفيع :
الموود :

مُساهمةموضوع: تحريف حياة السيد المسيح....والكنيسة توافق.......ز   الجمعة أبريل 24, 2009 12:15 am

[size=24]طبعا كلنا او اغلبنا سمع عن التحضير لانتاج فيلم حياة السيد المسيح

انتاج عربي و تمثيل عربي

هو لحد هنا الموضوع عادي مع اننا مش محتجين لحاجة زي كدا

او حتي متشوقين ليها ..السينما العالمية قامت بلموضوع دة علي اكمل وجه

بس الغريب والي اثار دهشتي

هو اني الفلم العربي هيتناول حياة السيد المسيح في مصر

مع العائلة المقدسة

وهي فترة تقترب من 40 شهر

ثلاث ثنوات ونصف

والكتاب المقدس لم يذكر احداث رحلة العائلة المقدسة الي مصر

ولاكن السيناريست فايز غالي قدر وعن طرق الوحي

وحي خيالو ....انو يتخيل حياة الطفل يسوع والعائلة المقدسة في الفترة دي

وكتر خيرو خيالو قوي تخيل بعض المعجزات اللي ممكن تكون حصلت في الفترة دي

مثلا واحد مشلول الطفل يسوع شفاة

معجزات من هذا القبيل وهيتخيل الضغوط اللي تعرضت ليها العائلة المقدسة داخل مصر

وهربهم من بلد الي اخري داخل مصر و ازاي الناس في الوقت ده كانت بتسعدهم علي الهروب والتخفي

وهيتكلم عن عظمة شعب مصر والسلام والامان اللي في مصر

والكنيسة الارثوذكسية المصرية اللي معظمنا بينتمي ليها وبيفتخر بيها

موفقة علي الكلام دة بحجة ان طلاما خيال السيناريست لم يخرخ عن طبيعة السيد المسيح

هل رجال الكنيسة والمسئولين عن الرعية مخدوش في اعتبرهم اني ده في الاول وفي الاخر

تخيل مش حقيقي ولم يحدث

وبرضو مخدتش في اعتبرها الاطفال لما يشوفو الفلم ده هيكبرو وهما فهمين اني هي دي حياة الطفل يسوع

بعدين نرجع نفهمهم اني ده محصلش ومش من الانجيل

وده حصل وفي الانجيل

حتي لو تم كتابة ان هذه الفترة من خيال المؤلف

يا ريت تجوبوني

علي السؤال دة

هل انتم مع فكرة الفلم العربي وتناول معجزات وحياة السيد المسيح في مصر من وحي الخبال

ومع موقف الكنيسة بلموافقة او ضد ه ؟؟؟؟ظ[/size]
الرجوع الى أعلى الصفحة اذهب الى الأسفل
joe
عضو ملتزم جداً جداً
عضو ملتزم جداً جداً
avatar

الجنس : ذكر تاريخ الميلاد : 05/12/1987
البد :
الشفيع :

مُساهمةموضوع: رد: تحريف حياة السيد المسيح....والكنيسة توافق.......ز   الجمعة أبريل 24, 2009 2:52 am

طبعا ده كلام محدش يوافق عليه

و أنا سمعت عن الموضوع ده من فتره

بس مش عارف وصل لفين




ربنا يستر


الرجوع الى أعلى الصفحة اذهب الى الأسفل
Marly
اخصائية رعاية الاطفال
اخصائية رعاية الاطفال
avatar

الجنس : انثى تاريخ الميلاد : 17/03/1989
البد :
الشفيع :
الموود :

مُساهمةموضوع: رد: تحريف حياة السيد المسيح....والكنيسة توافق.......ز   الجمعة أبريل 24, 2009 4:40 pm


ميرسي اوي ليك يا مارتن

ع الموضوع ده

بس اللي سمعته ان الفيلم ده اتعرض ع البابا شنودة

وقالهم انه هيشوف السيناريو الاول وهيقراه

ولو كويس هيوافق بيه وكمان هو اللي هيقول المقدمة بتاعت الفيلم

وده اللي سمعته

ومش عارفة هو صح ولا غلط

وبصراحة لو البابا وافق ع الفيلم ده

يبقا الفيلم مفهوش حاجة غلط

علشان البابا عمره مابيعمل حاجة تضرنا ولا حاجة تمس الدين نفسه

واكيد كمان البابا بيشوف حاجات كتيرة اوي احنا مش بنكون شايفنها

وربنا يقدم اللي فيه الخير

:bear: Marly :bear:

_________________
يارب لماذا كثروا الذين يحزنونى ؟
الرجوع الى أعلى الصفحة اذهب الى الأسفل
martinnn
عضو جامد
عضو جامد
avatar

الجنس : ذكر تاريخ الميلاد : 11/10/1983
البد :
الشفيع :
الموود :

مُساهمةموضوع: رد: تحريف حياة السيد المسيح....والكنيسة توافق.......ز   الجمعة أبريل 24, 2009 5:23 pm

ميرسي يا جو لمورك واجبتك علي السؤال


وميرسي ليكي انتي كمان يا مارلي

بس انا بختلف معاكي في حاجة

بتقولي ان البابا لو وافق علي الفلم يبقا الفلم مفهوش حاجة غلط

سري دا مش اكيد مية المية

هو الاكيد ان البابا مش هيوافق علي اي حاجة

تضر شعب الكنيسة .............دا اكيد

بس ده ميمنعش ان في حجات بتطرح في نفسي تسئلات

الكنيسة سمحت كتير بتصوير الافلام فيها وبتكون افلام اقل ما يقال عنها انها استفزازية

وطبعا كلنا عرفين مشاهدها بتم داخل مصر وفي الكنائس المصرية مش ديكور بيتعمل

وبنرجع ترفع قضايا...............مش غريبة يعني

وبعدين قداسة البابا قبل كدا في لقاء مع التلفزيون المصري اتسئل عن الطلاق في المسيحية

وان الطلاق بس لعلة الزنا

وكان جوابو اللي ضيقني هو انو ابتسم الابتسامة الجميلة لقدستة

وقال للمذيعة احنا ارحم من طوائف اخري عندهم لا طلاق علي الاطلاق

وبصراحة الاجابة حسستني بلتشتت المسيحي

وعدم اقناع المذيعة والمشاهد الغير مسيحي

انا طبعا لا يمكن انا الانسان الحقير اني اعيب في البابا

ظل المسيح علي الارض

بس ليا تحفظاتي اللي بتحيرني

مرة تانية ميرسي لمرورك يا مارلي
الرجوع الى أعلى الصفحة اذهب الى الأسفل
sun
مراقب عام
مراقب عام
avatar

الجنس : انثى تاريخ الميلاد : 03/11/1932
البد :
الشفيع :
الموود :

مُساهمةموضوع: رد: تحريف حياة السيد المسيح....والكنيسة توافق.......ز   الثلاثاء يونيو 16, 2009 12:58 am

اولا بشكرك جداااااااااااااااااا على تناولك لمثل هذه الموضوعات
وانا معاك فى الراى
لاكتر من سبب
زى ما قولت
انه مش مذكور فى الانجيل تفاصيل حياة الرب يسوع وهو طفل وفى ارض مصر
وبتالى من الممكن المخرج والسيناريست
يالف موضوعات لمجرد خدمه الفلم
وبتالى ممكن يبعد عن المضمون والاهم من كل دة
نقطه مهمه جدااااااااااااااا
وهى
ان كتير من اصحاب الاديان الاخرى
هتثبت فى تفكرهم ان دين المسيحى دين من وحى الخيال
واهو اكبر دليل
لما نحاول احنا نالف قصه الطفل يسوع
ونالف معجزات عملها وهو طفل
يبقى مش بعيد اننا احنا اللى الفنا معجزات الرب يسوع اللى فى البشاره
بجد
ربنا يستر

والف شكر ليك
ربنا يعوضك

_________________
أمــل يــارب أذنــك وأستجيــب لــى




الرجوع الى أعلى الصفحة اذهب الى الأسفل
مكاريوس الكبير
عضو يخدم بكل امانة
عضو يخدم بكل امانة


الجنس : ذكر تاريخ الميلاد : 06/06/1984
البد :
الشفيع :
الموود :

مُساهمةموضوع: رد: تحريف حياة السيد المسيح....والكنيسة توافق.......ز   الأحد يوليو 12, 2009 6:08 pm

فى البداية يا مارتن انا نفسي انك تغير عنوان الموضوع ده بجد لانه واخد اكبر من حجمه : تحريف حياة السيد المسيح والكنيسة توافق . الكنيسة بردوا يا سيد مارتن هتوافق على تحريف حياة السيد المسيح ليه ممكن نعرف؟

فى نهاية انجيل يوحنا بيقول كده :وأشياء اخرى كثيرة صنعها يسوع إن كتبت واحدة واحدة فلست أظن أن العالم نفسه يسع الكتب المكتوبة .آمين.
يعنى اللى بين ايدينا ده الخلاصة بتاعه حياته وأظن وعلى ما تعلم وبقية الاعضاء يعلمون أن حياة السيد المسيح كانت مليئة بالمواقف الغريبة والعظيمة والتى لم يسبق لاحد من الرسل ولا الاباء وأن قام بها بدليل أن الكتبة والفريسيين لما كانوا يروا ما يقوم به من معجزات كانوا يقولون لم نرى ولا فى اسرائيل مثل هذا قط ، واحب انبهك أن لما الكاتب يقوم بعمل حاجة لا تسىء إلى المسيحيين ولا تقلل من شأن دينهم وهذا ما قام به المؤلف لهذا الفيلم وهو السينارست فايز غالى من ناحية الخيال فى بعض المعجزات التى ربما يكون قد حدث ما هو اعظم منها فلك ان تتخيل أن طفل فى سنه يتوه من والديه لمدة ثلاث ايام لا يبكى ولا يحاول ان يبحث او يدور عنهم وعندما يبحثوا عنه يجدوه يعلم فى الهيكل هل تدرى ما معنى ان طفل يقف فى وسط مشايخ اليهود يعلم ويعظ فيهم ، فهل تستكتر على هذا الطفل ان يكون قد قام بببعض المعجزات التى مهما وان ذكرناها فى مجرد خيال لا ترقى ابدا الى مستوى الحقيقة التى هى بكل تأكيد اعظم واروع ولا اجد فى هذا تحريف أو وحى مثلما تقول ويؤيدك أحد الاعضاء ويقول ربنا يستر ، واشعرتونا بأن الكنيسة معرضة للانهيار ، بجد موضوعك مش فى محله ومن رأيى أنك تغير عنوانه أن أمكن لأنه العنوان يستفذ حقيقةً ، ثم أنك تشكك فى حكمة قداسة البابا والله نفسه يقول وأعطيكم رعاة حسب قلبى . وأنا لا اعتقد أن البابا يمكن أن يصدر قرار يسىء الينا فى اى امر من الامور مهما كان فى حامى الايمان وهو اثناسيوس القرن الحادى والعشرين ولا يتخذ القرار فى هذا الامر بكامل ارادته صدقنى فى هذا الامر تمت المشورة بين بعض الاباء الاساقفة وتم تكليف الانبا مرقس شخصيا بمتابعة هذا الامر وفى النهاية تبقي الكلمة لقداسة البابا والذى وافق بعد قراءته للموضوع ورحب بالفكرة ووعد بأنه هو الذى يقوم بألقاء مقدمة الفيلم.
وفيما يخص البابا وحديثه عن الطلاق فى أحد البرامج هذا الرد كان بمثابة افيه ونكته من قداسة البابا وليس بمحمل الجد البابا الذى تقول انه لا يرد امام الراى الاخر ولا يدافع عنا بشكل سليم ويشتت قال فى أكثر من مرة أن المحكمة لا تلزمنا بأى شىء من ناحية الطلاق ونحن لا نلتزم الا بتعاليم الكتاب المقدس ، وقال علنى كده وبالحرف الواحد : اللى يعرف ابويا يروح يشتكيله .
ولو عايز اسمعك الكلام ده بودانك مستعد ..
وصدقنى اذكر فى احد العظات لابونا مكارى يونان أنه قال : لما رجعت من اسيوط وقعدت مع قداسة البابا فترة لم اتذكر انه غلط غلطة او قال كلمة حد ممكن يمسكها عليه ، وانا شخصياً لم اتذكر ان البابا فى لقاء قال كلمة حد عرف يمسكه منها او رد اى رد وخلاص على اى موضوع بل بالعكس البابا ربنا يحميه صاحى وعقله فى راسه وفاهم كويس اوى اوى كل حاجة وعارف دى رايحة فين ودى جاية منين ..
الرجوع الى أعلى الصفحة اذهب الى الأسفل
martinnn
عضو جامد
عضو جامد
avatar

الجنس : ذكر تاريخ الميلاد : 11/10/1983
البد :
الشفيع :
الموود :

مُساهمةموضوع: رد: تحريف حياة السيد المسيح....والكنيسة توافق.......ز   الأحد يوليو 12, 2009 7:05 pm


مكاريوس ميرسي لمشركتك

بس انا مش في ايدي اني اغير اسم الموضوع

وبصراحة حتي لو بأيدي مش هغيرو

لان ببساطة اسم الموضوع هو انعكاس لما داخلة من كلمات

وانا شيفك بتكلمني علي السيد المسيح وكاني معرفوش ولا اعرف فترة طفولته

يا حبيبي انا عارف اني رب المجد في اي سن وفي اي وقت

هو رب المجد هو الرب الاله بمعجزاتة وطبعتو وكل حاجة

ومش عايز اتخيل ان المسيح بيتكلم وهو طفل ومش عايز اتخيل

اي عظمة واي معجزة للطفل يسوع

عارف ليه

ببساطة محبش اتخيل حاجة عادية

الطفل يسوع يصنع المعجزات

ايه الغريب في كدا

وبعدين كمان قداسة البابا

انا قادر كويس اني افرق بين روح الدعابة اللي فية

وبين الاجابة علي الاسئلة

هو فعلا جاوب علي السؤال بضحك وروح الدعابة

بس في نفس الوقت مقدمش اجابة علي السؤال بشكل واضح

والمشكلة عندي اني الكلام كان موجة للغير مسيحين يعتبر

لانو مش في عظة او غيرو ده علي التلفزيون المصري

وسبق وقلت ان قداسة البابا هو ظل المسيح علي الارض

وعلي فكرة انا كلي ايمان بكدا

بس انا مبحبش احجب عقلي وتفكيري

يعني اي شىء لا يتوافق مع عقلي

حتي لو هو ايه مبهربش منو باي صورة

واحب ققلك علي مثل بسيط جدا

البابا شنودة

عمل حوار مع ربنا

حوار غير عادي

مش هقول انو اختلف معاه انا مش مجنون

بس هو حوار غير عادي

اتمني انك تقرا الموضوع مرة تانية

وانو يوصلك بلصورة الصحيحة

اللي انا ققصدها

بشكرك علي تعليقك

واتمني اني مكنش ضيقتك

شكرا يا مكاريوس
الرجوع الى أعلى الصفحة اذهب الى الأسفل
martinnn
عضو جامد
عضو جامد
avatar

الجنس : ذكر تاريخ الميلاد : 11/10/1983
البد :
الشفيع :
الموود :

مُساهمةموضوع: رد: تحريف حياة السيد المسيح....والكنيسة توافق.......ز   الأحد يوليو 12, 2009 7:11 pm


صن ميرسي لمرورك الجميل

وتعليقك علي الموضوع

هو ده بظبط اللي انا حبيت اوصلو

بشكرك مرة تانية لمرورك

وربنا يبارك تعب محبتك
الرجوع الى أعلى الصفحة اذهب الى الأسفل
مكاريوس الكبير
عضو يخدم بكل امانة
عضو يخدم بكل امانة


الجنس : ذكر تاريخ الميلاد : 06/06/1984
البد :
الشفيع :
الموود :

مُساهمةموضوع: رد: تحريف حياة السيد المسيح....والكنيسة توافق.......ز   الإثنين يوليو 13, 2009 12:18 am

تقصد ايه يعنى بحوار غير عادى يعنى يا استاذ مارتن لانى انا سمعت الحوار وتقريبا حافظه بس يمكن حضرتك ليك تعليق عليه افيدنا يمكن انت بتقتبس الاقوال الخاطئة التى تصدر عن قداسة البابا ..

يا راجل حرام عليك ده حوار فى منتهى الجمال ده انا سمعت كتير وقليل عمرى ما سمعت عظة فيها تأمل بين واحد وربنا زى ما سمعت فى العظة دى ..
أنا شايف يا مارتن انك بلاش تتكلم فى اى حاجة خاصة بقداسة البابا لان مافيش حد وصل ليه فى اى درجة ولا علم ولا معرفة فى اى مجال عشان يتكلم عليه لان هذا الرجل يذكرنى بالسيد المسيح نفسه حينما كان يعيش على الارض وكان الكتبة والفريسيين انفسهم يريدون ان يصطادوه بكلمة واحدة ولم يستطيعوا هو هو اللى بيحصل حاليا مع قداستى ادام الله لنا رئاسته وكهنوته للكنيسه لاننا بجد من غيره هبقى كغنم لا راعى لها وياريت محدش فينا يشوف اليوم ده ..
وياريت يا اخى الفاضل تبعد فى انتقاداتك خالص عن قداسة البابا لانك لن تجد فيه نقد وبلاش عقلك يشتغل معاه وطاوعنى عشان متتعبش لان ده مش انسان عادى ولك ان تاخد كلامى بمأخد الجد او الهزل .عيب نتكلم كده على راس الكنيسة ولا احنا هنعمل زى المفكر القبطى جمال اسعد اللى مش مخلى نقد للبابا فى الجرائد والمؤتمرات .. وربنا يهدى..
الرجوع الى أعلى الصفحة اذهب الى الأسفل
martinnn
عضو جامد
عضو جامد
avatar

الجنس : ذكر تاريخ الميلاد : 11/10/1983
البد :
الشفيع :
الموود :

مُساهمةموضوع: رد: تحريف حياة السيد المسيح....والكنيسة توافق.......ز   الإثنين يوليو 13, 2009 1:36 am


اخي الحبيب مكاريوس

بشكر مرورك

وبععتبك علي اسلوبك في الرد

وتعليقا علي كلامك

فكلام قداسة البابا شنودة

في حوارة مع الله

هو من اروع ما يكون

لانو حوار طالع من جوا كل واحد فينا

بشكر كثرة محبتك

وسامح ضعف نفسي

ويشكر مرورك
الرجوع الى أعلى الصفحة اذهب الى الأسفل
carter
عضو جديد
عضو جديد


الجنس : ذكر تاريخ الميلاد : 21/01/1977
البد :

مُساهمةموضوع: رد: تحريف حياة السيد المسيح....والكنيسة توافق.......ز   الثلاثاء يوليو 14, 2009 12:03 pm

اعتقد ان الموضوع متشابك الى حدا ما

اولا لن يتم الموافقة من الكنيسة على سيناريو يخرج عن اطار حياة يسوع كما ذكرت فى الاناجيل الاربعة علما بان الفيلم يستقى بعض المعجزات والاحداث من انجيل من الاناجيل الغير معترف بها وهو يدعى انجيل الطفولة ويتشابه مع ذكر فى هذا الانجيل مع ما ذكر فى القرآن عن حياة الطفل يسوع مثل التكلم فى المهد وغيرها

ثانيا هناك جدلا كبيرا حول عرض الفيلم حيث ان اى مادة اعلامية تتناول حياة الانبياء يتم عرضها على الازهر اولا
ولك ان تعلم ان الازهر يرفض رفضا باتا قيام اشخاص بتمثيل ادوار الانبياء والصحابة والاولياء

ثالثا مع الافتراض بالموافقة على الفيلم وعرضه فاعتقد انه لن يكون به ما يتعارض مع معتقداتنا كمسيحين ولو حدث اي اضافات فلن تكون بالشكل الذى تتخيله

رابعا قد يكون هذا الفيلم سبب بركة لكثيرين فلنا شواهد كثيرة ان الله كثيرا ما يستخدم حتى الاشياء لتى ضده لمجد اسمه
ولنا فى ذلك عبرة بالموت فالموت هو عدو الانسان الاول ولكن الرب استخدمه لخلاصه


اخيرا عزيزى ثق ثم ثق ان الله يهتم وكل الاشياء تعمل معا للخير وان كل التفاصيل الكبيرة منها والصغيرة انما هى فى ايدى ضابط الكل

ربنا يبارك حياتك
الرجوع الى أعلى الصفحة اذهب الى الأسفل
 
تحريف حياة السيد المسيح....والكنيسة توافق.......ز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.::.Jesus Lovers Forum .::. منتدى محب المسيح .::. :: القسم العام :: سؤال و جواب-
انتقل الى: